تا ئێستا زۆر باس و بابەت و لێکۆڵینەوە لەسەر مێژووی ڕۆژنامەوانی کوردی، چ بە کوردی یا بە زمانی تر، بە تایبەت لەم چەند ساڵی دواییدا نووسراوە، بێگومان ئەمانە هەریەکەیان بە جۆرێ ئەم کۆشکە بەرز و پیرۆزەیان ڕازاندۆتەوە.
لەم کتێبەدا ئەوە خراوەتە ڕوو کە مێژووی ڕوۆژنامەوانی کوردی بەشێکە لە مێژووی نەتەوەی کورد، لەگەڵ جولانەوەکەدا ڕۆیشتوە و تێکەڵاوی بووە، کاری لە جوڵانەوەکە کەردووە و جولانەوەکەش کاری لەو کردووە.
ڕۆژنامەی کوردی لە زیاتر لە ١٠٣ ساڵی ڕابردوودا، سەرچاوەیەکی بە نرخ و باوەڕپێکراوی لێکۆڵینەوەی لایەنی سیاسی، ڕۆشنبیری، کۆمەڵایەتی و ئابووری و ئەدەبی و پەروەردەیی ژیانی گەلی کوردە.
ئەم کتێبە ٢٠٢ لاپەڕەیە و نرخی ٣٠٠٠ دینارە.
